Club da Jass Schlans
Il Club da jass ei gia dapi varga vegn onns activs. Duront igl unviern vegn dau diesch seras jass el local "La Sentupada" en casa parvenda. Suenter dirs cumbats survegn il victur dalla stagiun il tetel campliun digl onn da jass. A caschun dalla finiziun digl onn da jass ha liug in turnier da jass e la sera finala per in e scadin. Quei ei era la sera dalla premiaziun dils victurs digl onn. Mintga participont sa quella sera ir a casa cun in bien toc carn piertg.
Uniun da giuventetgna
L'uniun da giuventetgna ei adina stada activa ed innovativa. Mintga onn fan els Sontgaclau per las famiglias ed ils davos onns visetan els las casadas senza affons. Ina ulteriura activitad ei lur participaziun alla parada da perdanonza ed igl apperitiv sin plaz cadruvi. Igl onn 2020 han els organisau cun la populaziun dil vitg finiastras decoradas d'Advent.
Club da skis Schlans
Il Club da Skis Schlans ei vegnius fundaus gia igl onn 1959. Igl onn 2021 eis el aunc adina la pli gronda uniun dil vitg. En quls varga sissonta onns ha il Club giu pér quater presidents. Nicolaus Maissen (1959-1979), Bernard Maissen (1979-1989). Andreas Pfister (1989-2009). Dapi igl onn 2009 ei Norbert Caduff president dil Club.
