Pro Schlans fa ina viseta alla casa federala a Berna
Venderdis, ils 14 d'avrel 2023 organisescha la Pro Schlans in viadi a Berna per far ina viseta alla casa federala.
Nus sentupein cun nies president dil Cussegl Naziunal, Martin Candinas.
Lukas Mosimann ei gia dapi biars onns a Schlans e posseda cheu ina casa da vacanzas. El ei da professiun architect e designiader a maun liber. Entras bien contact cun il vitg e la Pro Schlans ha el creau cartas postalas cun desegns da casas e clavaus. L'emprema seria da cartas entochen ussa ei deplorablamein vendida ora.
