BEINVEGNI A SCHLANS
Schlans schai sin 1100 m.s.m. sin ina spunda sulegliva sur Trun amiez la Surselva. Diversas perdetgas da temps vargai relatan d’ina liunga historia dil vitget : seigi quei la baselgia da S. Gieri, la caplutta da Nossadunna Dalla Neiv, la tuor da Sais ni las restonzas dil Casti da Salons sil Grep da Pradas. Schlans dumbra oz aunc rodund 65 habitonts ed ei contonschibel sur Trun ni via Tavanasa sur Capeder.
Perdanonza
La Perdanonza e fiasta exteriura dil ss. Cor da Jesus ha liug dumengia, ils 14 da zercladur.
Allas 10.00 ha liug l'eucaristia dalla fiasta cun processiun eucaristica tier la caplutta Nossadunna dalla Neiv.
La fiasta vegn embellida entras la Societad da musica Trun, nies tambur e l'uniun da giuventetgna Schlans.
Sentupada
La Pro Schlans organisescha ina nova pusseivladad da s'entupar. Mintga meins vegn organisau ina occurrenza. Buca munchentei quella purschida!
Proxima sentupada: vendergis ils 3 da fenadur.
Proxima sentupada: vendergis ils 3 da fenadur.
Ustria da curtgin Chispàcius serrada
Suenter 15 onns han Annamaria e Clemens serrau ils 26 d'october las portas dil Chispàcius . Nus schein "Engraziel!" per lur nunstunclenteivel engaschi dils davos onns!
Cartas postalas Schlans
Ensemen cun Lukas Mosimann ha la Pro Schlans sviluppau ina seria da cartas da Schlans e contuorn. Las cartas ein venalas en sets da 10 per 25.- il set, quei en l'ustria Chispacius e tier la Pro Schlans (cun il formular dretg).
