La pleiv da Schlans
La pleiv da Schlans ha ina historia fetg veglia che va anavos egl onn 998. Da quei dattan ils documents perdetga, els quals Papa Gregor V. suttametta la baselgia da Selaune sut il patrunadi dalla claustra da Pfäfers. Gl'onn 1185 conferma Papa Lucius III. che las capluttas S. Sievi a Breil e S. Gieri a Schlans appartegnan alla pleiv da Breil ed aschia alla claustra da Mustér. Suenter gl'onn 1643 ei Schlans in'atgna pleiv, la Pleiv S. Gieri.La baselgia ei consecrada a S. Gieri ed a S. Culastia. Egl ost sin il Grep da Sais sper la tuor sesanfla la caplutta da Nossadunna dalla neiv.
La Pleiv e la midada dil temps
Tuttas issonzas e reglas che han funcziunau sur tschentaners, han oz en nies temps hodiern breigia da tener cup cun la spertadad dil viver. Aschia ha ei dau da ponderar co nossa pigntga pleiv possi sesvolver. Il davos plevon che habitau a Schlans ei stau Sur Peter Caplazi (1948 - 1972).
Ils davos onns ei la pastoraziun succedida entras il plevon da Trun. Egl onn 2015 ei vegniu decidiu a fusiunar la Pleiv da Schlans, la Pleiv da Trun e la Caplania da Zignau ad ina nova Pleiv cul num "Pleiv catolica romana Trun".
Informaziuns:
Pleiv catolica romana Trun
