Caplutta Nossadunna dalla Neiv
La caplutta Nossadunna dalla Neiv sepresenta sin il marcant grep da Sais cun ina bellezia survesta sur l´entira Cadi e la Sursaissa.
Il liug nua che la caplutta secatta, para da gia esser staus el temps prehistoric da gronda muntada. Il crap da fundament dalla caplutta da Nossadunna dalla neiv ha il pader Giusep Pontenico, caputschin dalla claustra dalla missiun retica da Brixen, tschentau ils 23 da matg 1679. Ils 25 da zercladur 1683 eis ella vegnida consecrada alla Sontga Trinitad ed a Nossadunna dalla neiv entras igl uestg da Cuera Ulrich VII von Federspiel.
1719 ha Johann Battista Ernst da Lindau al lag Bodan culau ils dus zenns per la caplutta che cloman aunc oz ils cartents ad urar. Igl onn 1932 ei igl altar vegnius renovaus ed ha tier quella caschun survegniu in niev maletg. A caschun dalla renovaziun la mesadad dils onns 90 han perscrutaziuns geologicas mussau ch'il fundament egl ost ed el vest schai sin differentas plattas, aschia ch'ei dat sfessas sur l'entrada ed el chor gia pervia da pintgas stremblidas. Quei po era esser ina raschun, daco ch'ins ha buca beghegiau gia pli baul en quei bellezia liun in monument "per la pli gronda honur da Dieus". La radunonza dalla pliev s. Gieri ha elegiu igl onn 1995 ina cumissiun da baghegiar e surdau a quella l'incarica da prender a mauns la renovaziun necessaria. La renovaziun gartegiada e stada finida igl onn 1998.
Die Kirchen und Kapellen des Kantons Graubünden Band VIII, Hans Batz ; Die Kunstdenkmäler des Kantons Graubünden von Erwin Poeschel, Band IV)