Temps liber en libertad
El contuorn da Schlans san ins passentar il temps liber veramein en libertad. Ina grondiusa natira intacta sepresenta cun ina vesta sin cuolms e vals. Nus savein guder la natira cun ir a spass ni viandar sin las sendas ni cun il velo sin rutas marcadas. Igl unviern porscha bia recreaziun cun ir cun skis da turas ni gianellas. Pliras loipas da cuorsa liunga secattan el contuorn da Schlans sco p.ex. Trun, Breil, Sursaissa, Mustér e Sedrun. Mintga stagiun ha sia cumparsa tut aparti. Dalla primavera naven tochen igl atun sepresenta ina reha flora sils praus e las pradas. El contuorn datti biaras sendas da viandar, sendas da dir cun velo e trails da velo da muntogna. Schlans ei era il liug da partenza per amitgs dalla pezza. Naven dalla Camona da Punteglias CAS partan ils alpinists sil Tödi (Pez Russein). A Breil en la Val Frisal e la Camona da Biferten CAS. Naven da Surrein vers la planira dalla Greina ed aunc biars auters bials loghens cun survestas magnificas.Museum Sursilvan Cuort Ligia Grischa
a Trun
Il museum Sursilvan Cuort Ligia Grischa ei in baghetg marcant e historic dalla Surselva. El ei vegnius baghegiaus igl onn 1679 sin l'incarica dalla Claustra da Mustér e surveva alla Ligia Grischa sco Casa communala.
Cuort Ligia Grischa
OGNA da Matias Spescha a Trun
Igl enconuschent artist da Trun Matias Spescha (1925-2008 ) ha tschentau cun la sculptura encaminabla OGNA ina grondiusa ovra a sia vischnaunca nativa.
OGNA von Matias Spescha
Camona da Punteglias CAS
A pei ni cun igl auto contonschans la Camona da Punteglias naven dall'Alp da Schlans (lubientscha da carrar da 6.00 CHF ei da retrer agl ur dalla via sur Schlans). Naven dall'Alp tochen en la Val Punteglias vai senza grondas stentas. Pli stentus ei la senda da viandar marcada ni la senda enferrada per contonscher la Camona da Punteglias. La bellezia survesta naven da leu ei persuenter la pagaglia. La camona ei survegliada sur ils meins da stad dils guardia camona.
Camona da Punteglias CAS
Senda Sursilvana
La Senda Sursilvana passa varga 120 km e tonscha d'Andermatt tochen Cuera. La senda ei marcada bein e meina sur vitgs e vals. Informaziun:Senda Sursilvana SchweizMobile