Gastronomia

Ustria da curtgin Chispàcius

Dapi 2011 dat ei ina pintga ustria el vitg. Ella sesanfla sper il plaz cadruvi datier dalla baselgia. Igl ei in liug da sentupada per indigens ed jasters. Leu datti la pusseivladad da sediscuorer e tedlar vizeversa tgei che cuora e passa el vischinadi. Naven dalla primavera tochen igl atun sentaupan leu viandonts dalla Senda Sursilvana, pelegrins dalla via s. Giachen ni da tals che van ni vegnan giu dalla Camona da Punteglias CAS.

Sper bubrondas ein era las specialitads dalla casa dumandadas: Capuns, maluns e bulzani. Marendas e bunas pettas prepara l'ustiera Annamaria mintgamai cun tschaffen e plascher.